Zerbitzuak

Azpiegiturak

Azpiegituren zerbitzu kudeatuek harpidetza-aukera ugari eskaintzen dizkiete konbergentziako bezeroei, beren negozio-prozesuen beharrak asetzeko. Zerbitzu horiek Cloud arkitektura baten eskaintza osoa eskaintzen dute, hala nola: Iaas, BaaS, Hosting-a (Oinarrizkoa: zerbitzaria; Ertaina: plataforma; Aurreratua: aplikazioak) eta Ez-cloud (esaterako, Housing-a eta zerbitzari fisikoen lagapena).

Azpiegituren zerbitzuek konbergentziako gainerako zerbitzuen hardware eta software azpiegiturak hartzen dituzte.

Azpiegituren lerroaren barruan, EJIEk zerbitzu hauek ditu:

Zerbitzuak espazio fisikoa eta erraztasunak eskaintzen ditu bezeroaren berezko azpiegitura-elementuak EJIEren DPZren barruan sartzeko. Espazio fisikoaz gain, konexio elektrikoak, klimatizazioa, sarera konektatzea, muntaketa eta desinstalazioa, birziklapena eta urruneko eskuen aukerak, eta Backup zinten zaintza eskaintzen dira.

IaaS zerbitzuak, azpiegitura modalitatean, hodeiko zerbitzu gisa (Cloud IAAS), Informazioaren Teknologien eredu arin bat eskaintzen du, abiadura eta malgutasuna lehenesten dituena.

Elkarreragingarritasun hibridodun Cloud bat izango da, azpiegitura automatizatuan eta aplikazioen segmentazio seguruan oinarritua, Eusko Jaurlaritzari, erakunde autonomoei eta euskal sektore publikoko beste erakunde batzuei IT zerbitzuak emateko sortua.

IaaS zerbitzua Cloud publikoen zerbitzuez hornitu ahal izango da modu gardenean, bezeroentzat.

Eskatzen duten bezeroei biltegiratze kudeatua eskaintzeko zerbitzua. Biltegiratze-zerbitzu hori eskuratu eta kontsumitu behar duen jatorrizko zerbitzu motaren arabera, biltegiratze-mota bat edo beste eskainiko zaio, hainbat faktoreren arabera (sarbide-protokoloa, errendimendua, edukiera, etab.).

Zerbitzu horrek datuak biltegiratzeko plataforma baterako sarbidea ematen dio bezeroari. Datuak transferitzeko eta biltegiratze erredundanterako erabil daiteke, baita kaltetutako edo galdutako edozein datu lehengoratzeko ere.

Zerbitzu honek aplikazioen, konputazioaren, biltegiratzearen, sareen eta kontingentzien kudeaketa teknologiko globala egiten du, malgutasunez. Bizi-ziklo osoa hartzen du, hala nola Bateraren hodeian integratu beharreko sistemak identifikatzea, hodeia definitu eta harako trantsizioa egitea eta hodeia bera operatu eta haren euskarri-lanak egitea.

  • Oinarrizko hosting-a – zerbitzarien kudeaketa: Zerbitzu modalitate hau informazioaren teknologien plataformak kudeatzeko autonomia duten baina plataforma horiek dituzten azpiegituraren kudeaketaz kezkatu nahi ez duten bezeroentzat da. IaaS modalitatean eskainitako zerbitzuez gain, oinarrizko hosting-ak azpiegituran sortutako gorabeherak eta arazoak kudeatzen laguntzeko eskuragarri dagoen euskarri tekniko espezializatu bat ere badu, bezeroaren IT taldeak bere kabuz konpondu ezin duena.
  • Hosting ertaina – plataformen kudeaketa: Zerbitzu-modalitate hau negozio-aplikazio propioak kontrolatu nahi dituzten baina beren negozio-aplikazioen funtzionamendu egokirako beharrezkoak diren plataformen eta produktu estandarren kudeaketaz eta oinarrizko modalitatean sartuta dagoen azpiegituraren kudeaketaz kezkatu nahi ez duten bezeroentzat da. Kontsultetarako eta fabrikatzailearen eskalatuak eragin ditzakeen arazoetarako euskarri tekniko espezializatua du.
  • Hosting aurreratua – aplikazioen kudeaketa: zerbitzuaren kalitaterik onena nahi duten bezeroei dago zuzenduta modalitate hau. Euskarri-lanak egiten dituzten gure taldeak zuen negozio-aplikazioen euskarri diren datu-base eta produktu nagusiak kudeatzeaz eta administratzeaz arduratuko dira. Negozio-aplikazio horiek eta haien bizi-zikloak estandarizatzen dira, eta erabilgarritasuna eta segurtasuna maximizatzen.