Zerbitzu-katalogoa
Katalogoak zerbitzu bakoitzaren deskribapena egiten du, zerbitzu horien ezaugarri nagusiak eta zerbitzua ondo hornitzen eta garatzen dela bermatzen duten arduradunen izenak barne.
Katalogoaren helburu nagusiak dira:
- Bezeroekin harremanak formalizatzea, harremanetarako baliabide bakarraren bidez, ulermena hobetuz.
- Bezero diren erakundeei eta erabiltzaileei jasotzen dituzten zerbitzuen ikusgaitasun, gardentasun eta informazio gehiago eskaintzea.
- EJIEk eskaintzen dituen zerbitzuekin erlazionatutako akordioetan oinarritutako kalitate-eredu bat ezartzea.
- EJIE etengabe bezeroen beharretara moldatzen laguntzea baliabide malgu baten bidez, zeinak, aldi berean, zerbitzuak gehitu, aldatu edo kentzeko aukera emango baitu modu kontrolatuan.
- Katalogoak EJIEren barne ekimenak, martxan daudenak zein etorkizunekoak, lerrokatzeko erreferentziazko oinarrizko baliabide izateko balio izatea.
Zerbitzuen katalogoaren dokumentuak honako eduki hauek ditu:
- Zerbitzu-katalogoaren deskribapena
- Zerbitzu-lerro bakoitzaren eta lerro bakoitzean jasotako zerbitzuen definizioa
- Fitxa-multzo bat, non katalogoko zerbitzu bakoitzaren definizioa, ezaugarri nagusiak eta tipologiak jasotzen baitira
- Zerbitzu mailako akordio estandarrak
- ENS betetzearen kategoria, zerbitzuaren arabera
Sakatu irudian dokumentura sartzeko
EJIEren zerbitzu-katalogoa bloke hauetan egituratzen da, zerbitzuen kontsumitzaileen segmentazioaren arabera:
IKT Batzorde Estrategikoak Eusko Jaurlaritzaren martxoaren 10eko 36/2020 Dekretuaren arabera ezarritako zerbitzu bateratzaileak. Euskal sektore osorako zerbitzu komunak dira, eta EJIEk ematen ditu, organo kudeatzaile gisa.
Kudeaketa errazteko, zerbitzu horiek antzeko ezaugarriak dituzten jarduerak eta produktuak ordezkatzen dituzten zerbitzu-lerro hauetan bildu dira, edo jarduera-eremu berean zentratu dira:
Komunikazioak
Plataformak
Lanpostua
Azpiegiturak
Segurtasuna
Erabiltzaileak
